AVB Awards Night 2025 ta honra excelencia di futbol na Aruba

Minister di Deporte, Sra. Gerlien Croes, a asistí na e gala anual na e Renaissance Convention Center y a elogia e esfuerso colectivo tras di e crecemento di e deporte riba e isla.

“Nos futbolistanan ta ehempel di disciplina, determinacion y union. Cada wega y cada logro ta mustra cu nos por logra tur cos si nos traha hunto. Futbol ta uni nos pueblo y ta inspira nos hobennan pa persigui nan soño y yega na logronan mas grandi,” Minister Croes a duna di conoce.

E anochi a reconoce no solamente talento atletico pero tambe e dedicacion di boluntarionan, clubnan, y staf cu ta sigui fortifica futbol na Aruba.

Minister Croes a haci un yamada na comunidad y clubnan pa keda sostene e deporte, enfatisando su poder pa crea oportunidadnan pa hobennan y amplia su impacto positivo riba sociedad.

Pabien a bay na tur nominado, e ekipo di AVB, y clubnan local pa nan aporte sobresaliente na futbol di Aruba.