Autor di “Living Rich as a Student in the Netherlands” a haci entrega di su buki na Minister di Enseñansa y Deporte

E hoben Arubano a studia Mechatronica na Avans Hogeschool na Breda y ta trahando actualmente na Hulanda. Durante su trayecto academico el a ripara cu tabata falta hopi informacion tocante maneho di placa pa studiante. Esaki a conduci Franklin Seute pa haci un investigacion, cu a dura 2 aña, riba e topico: gastonan di un studiante internacional na Hulanda y con pa maneha placa. Cu e resultado di e investigacion y su propio experiencia, Franklin a skirbi e buki titula “Living Rich as a Student in the Netherlands” y a keda publica na aña 2020.

E buki ta toca e “frugal lifestyle”, esta ta e bida economico pa siña bo spaar pa asina semper bon tin placa. E e buki a haya un bon acogida cerca di e studiantenan y a yuda hopi cu nan finansa. E miho tempo pa crea e custumber di maneha placa y spaar ta ora bo ta jong.

Desde 2018, Franklin ta duna presentacion na Colegio Arubano tocante studia na Hulanda y tur aña e ta duna tayer tocante “budgeting” na e studiantenan cu ta continua cu nan estudio den exterior. Franklin ta haci esaki den colaboracion di Departamento di Enseñansa Aruba (DEA) y Arubahuis na Hulanda. Den juli ultimo, Franklin a duna un seminario pa siña con pa maneha placa, cu a conta cu participacion di tanto studiante, nan mayor y representante di Departamento di School Publico (DPS).