Atleta Elliot Loonstra ta regala Prome Minister un t-shirt y varios pin di e Weganan Paralimpico

E file aki ta den archivo.

ORANJESTAD – Recientemente, e Delegacion Paralimpico Aruba y e atleta, Elliot Loonstra, a bishita Prome Minister Evelyn Wever-Croes. 

Elliot Loonstra ta representa Aruba pa di dos biaha na e Weganan Paralimpico cu ta tuma luga na Paris y lo inicia dia 28 di augustus.

Durante e encuentro aki, Elliot Loonstra a regala Prome Minister un t-shirt cu ta e uniform oficial cu e delegacion di Aruba lo uza na Paris durante e Weganan Paralimpico. Tambe Elliott a entrega Prome Minister varios pin pa comparti cu coleganan minister. E pinnan aki ta algo importante durante e weganan mirando cu atletanan ta intercambia esakinan, formando asina un cadena di amistad.

Prome Minister, den nomber di Gobierno di Aruba, a entrega Elliott e bandera di Aruba cu el lo bay desfila cu ne na Paris y a desea Elliott tur clase di exito.