ATENCION: TENE CUIDAO CU SCAM!
ORANJESTAD - Cuerpo Policial Aruba (KPA) ta avisa nos comunidad tin un tendencia serio di SCAM andando.
Hopi cuidadano ta hayando yamada, e-mail y sms for di un persona desconoci. Nan ta purba di convence bo cu bo a haya un boet for di KPA y bo tin cu click un link pa habri esaki, yena bo informacion y paga. Esaki no ta cuadra cu realidad y ta falso!
KPA ta pidi atencion na nos comunidad pa tene cuidao! pa lo siguiente:
- NO contesta yamada cu ta cuminsa cu +212
- Sea atento riba e-mailnan falso: Scammers ta uza diferente e-mail manera: ingahemmerlein871825@hotmail.com / zenasusoeff91905@hotmail.com/
- NO habri e link cu bo ta ricibi via SMS. Informacion cu nan ta convence bo ta falso!
- NO comparti niun informacion importante di bo manera: bo personalia y number di banco!
- NO haci niun transaccion!
Conseho di KPA: Bo a haya un email, sms of telefon asina? BLOCK Y DELETE mesora!
Keda alerta y avisa tambe bo famia y amigonan.
KPA tin atencion pa esaki y ta conseha nos comunidad pa PONE ATENCION!
