Aruba y Corsou a haya curso Officier van Dienst Recherche

E file aki ta den archivo.

ORANJESTAD -  Recientemente a tuma lugar un curso basta intensivo duna na recherchenan di Aruba como tambe participacion di coleganan di Cuerpo Policial Corsou. 

Trahando hunto cu otro Cuerpo di Polis den reino pa asina por eleva e conocimento trahando hunto. Docente sra. Eva Vahrmeijer. Cursus begeleider tabata mr. Pleun Trooster di NPA.  

E curso tabata pa duna informacion tocante e funcion y e rol di un OvD-R (Officier van Dienst Recherche) na tur agentenan policial cu ta traha na departamento di recherche. Un curso pa amplia nan conocimento riba e materia nobo aki pa asina e departamento di recherche lo conoce miho structura den futuro.

Na final di e curso a haci entrega di certificado na e curistanan. Esaki a tuma lugar den presencia di comisario di Departamento di Recherche sr. Robert Candelaria, sr. H. Koolman Hoofd Divisie Centrale Recherche y sr. G. Cham di wnd. Hoofd Algemene Recherche di Cuerpo Policial Aruba.

E polisnan cu a haya e certificado tabata sr. Roy Hodge, sr. Carlos Muller y sr. Robert Marsdin.

Masha pabien na cada agente policial tanto di Aruba y di Corsou!
 

Recherchenan di Aruba y Corsou ta sigui curso Officier van Dienst Recherche.