Aruba ta haya un atletiekbaan nobo
ORANJESTAD: Pa algun tempo caba, trabaonan di renobacion ta andando na Compleho Deportivo Guillermo Prospero Trinidad na Dakota.
A inverti un cantidad substancial pa crea un facilidad multi disciplinario ultra moderno pa yuda eleva e nivel di esnan cu ta practica den e compleho aki.
A instala turf di calidad riba e veld di futbol cu ta cumpli cu rekisitonan di FIFA, a instala luznan cu tambe ta cumpli cu e rekisitonan stipula pa tanto FIFA como CONCAFAF. Awo ta toca turno na e atletiekbaan rond di e veld di futbol. Esaki lo bira un atletiekbaan "state of the art", cu lo ta acredita pa World Athletics. Durante october y november 2024, e compania renombra MONDO lo ta na Aruba pa instala e MONDO Track, cu ta pre-fabrica na Italia.
MONDO ta un compania Italiano, kendenan tin experencia pa construi atletiekbaan na standard
internacional cumpliendo cu tur exigencia di World Athletics pa competencianan rond di mundo. Ademas MONDO ta e compania responsabel pa construi e atletiekbaan cu ta uzando na Francia durante di Olimpiada Paris 2024 den “Stade de France”, pero tambe pa Juegos Pan Americano y otro e weganan mundial.
