Aruba Ta Explora Oportunidadnan di Airlift cu Emirates
ORANJESTAD – Minister di Turismo, Transporte y Labor di Aruba, mr. Wendrick Cicilia, a dirigí un delegacion cu a reuni cu ehecutivonan di Emirates Airlines na Bogotá, Colombia, pa explora e posibilidad di futuro vuelonan pa e isla.
Minister Cicilia a describi e combersacionnan como “hopi positivo,” señalando cu e strategia di Aruba pa diversifica su mercadonan turistico ta alinea cu e plannan di expansion di Emirates den e continente Americacano. “Actualmente, Emirates no ta opera den Caribe. Esaki lo ta un oportunidad historico pa Aruba,” el a bisa.
Ambos banda a bay di acuerdo pa sigui cu e discusionnan, cu Aruba suministrando mas informacion pidi pa e aerolinea. Mientras cu por tin mester di ahustacionnan di infrastructura pa por acomoda avionnan mas grandi, e funcionarionan a expresa confiansa cu Aruba ta bon prepara.