Aruba ta conoce su Raad Voor Ouderen

E file aki ta den archivo.

ORANJESTAD -  Ministerio di Asuntonan di Adulto Mayor ta anuncia realisicion di Un Raad Voor Ouderen (RAVO) pa Aruba.

E logro aki ta uno cu a tuma su tempo debi cu e reorganisacion di e secretariado di Sociaal Economische Raad mester a tuma luga, cual tabta un proceso administrativo largo.  

No obstante, desde 2023 Ministerio di Asunto di Adulto Mayor a instala e comision ‘Ouderenzorg in perspectief’ cu a sa di fungi como preludio di e RAVO, y asina duna conseho riba e temanan di suma importancia den cuido di nos adultonan mayor.

Recientemente den conseho di minister a  aproba e instalacion di e Bureau Secretariele Ondersteuning SER en Additionele Raden (BOSSAAR) cual ta haci posibel e formacion di e Raad voor Ouderen Aruba. 

RAVO lo tin como meta y tarea pa garantisa dialogo cu e grupo di meta pa stimula posibilidadnan di participacion di Adulto Mayor den comunidad, Monitoria y identifica desaroyo nacional y internacional riba bienester di Adultonan Mayor, embehecemento, maneho, pensioen y leynan relevante riba e tereno aki. Alabes e RAVO lo duna conseho na Gobierno di Aruba tocante temanan relevante pa nos Adultonan Mayor den comunidad.