Aruba Excellence Foundation ta participa na nos Festival di Buki pa Mucha
ORANJESTAD – Como parti di Festival di Buki pa Mucha 2025, Fundacion Excelencia Aruba a entrega un buki special pa mucha na Biblioteca Nacional Aruba.
Cu e buki aki, e fundacion tin como meta pa inspira lectornan hoben pa siña mas di e naturalesa, cultura, y historia di nan isla.
E buki pa mucha ta cubri temanan importante manera formacion di Aruba, su flora y fauna, historia, poblacion, industria, cultura, turismo, y sostenibilidad. E ta un produccion di team di Aruba Excellence Foundation, consistiendo di Giovanni de Windt, Melissa Robert, Susana Romero, y Sharenda Clarinda. E ilustrashonnan kolorido ta di Yohandy Larmonie.
E buki, titula “A.C.P. pa Mucha”, ta un publicacion valioso destina pa tur mucha na Aruba. Como parti di e Festival di Buki pa Mucha 2025, Giovanni de Windt y Melissa Robert lo ta dunando presentacionnan interactivo na scolnan e siman aki, siñando studiantenan tocante e flora, fauna, i otro aspecto unico di nos isla. Meta di e actividad aki ta pa introduci muchanan na Aruba su naturalesa y cultura unico na un manera hunga y educativo.
Produccion ta den colaboracion cu Aruba Tourism Authority Aruba (ATA), Museo Arkeologico Nacional Aruba (MANA), Aruba Conservation Foundation (ACF) y Archivo Nacional Aruba (ANA).
Fundacion Aruba Excellence, estableci na 2018 door di Aruba Tourism Authority (ATA), ta encarga pa entre otro implementa e Aruba Certification Program (ACP).
E fundacion su mision ta pa promove y desaroya programanan di entrenamento cu ta enfoca pa duna informacion corecto y consistente di Aruba, contribuyendo asina na e isla su calidad y hospitalidad.