Aruba a briya na New York Fashion Week!
ORANJESTAD - Diseñadora Arubano Quianna a presenta su trabou cu confiansa y profesionalismo riba e escenario internacional New York Fashion Week, un di e plataformanan di moda mas prestigioso den mundo.
Embahador Cultural di Aruba, Michael Lampe, tabata presente pa sostene y acompaña e participacion, como parti di su compromiso pa posiciona creatividad Arubano riba mapa global y fortalece relacionnan cultural entre Aruba y exterior.
“Mi ta hopi orguyoso di Quianna,” Lampe declara. “Pa subi un escenario internacional ta exigi disciplina, preparacion y perseverancia. No tur talento automaticamente ta cla pa nivel mundial, pero cu bon preparacion mi ta sigur cu nos lo bay sigui pone Aruba su number riba un nivel internacional.”
Lampe enfatisa cu e presencia na New York Fashion Week no ta solamente un logro individual, sino un señal cu sector creativo di Aruba tin potencial real pa competi y colabora internacionalmente.
“Si nos kier pa Aruba sigui briya, nos mester inverti activamente den desaroyo di talento, creando structura, acceso y oportunidadnan concreto. orguyo nacional mester bai man na man cu strategia y sostenibilidad.”
E participacion di Quianna marca un momento importante pa visibilidad cultural di Aruba y confirma cu creatividad Arubanio tin su propio espacio riba escenario mundial.
Un danki na FDLA y Aruba Fashion Week pa traha hunto pa yuda nos talentonan.