Anuncio maneho nobo pa personanan no documenta

A tuma e decision aki despues di un evaluacion di e maneho temporal di regularisacion di personanan indocumenta yama "Hunto pa Progreso".

"Hunto pa Progreso" ta un maneho temporal di Ministerio di Husticia y ehecuta pa DIMAS, cu ta dirgi riba e uzo optimalisa di e potencial di stranheronan presente, pa cumpli cu e necesidad laboral den cual personanan sin permiso di trabao, por regla nan status y integra den nos mercado laboral di forma legal.

Na luna di augustus 2025, Minister di Husticia a anuncia tres trayecto den e maneho Hunto pa Progreso: 

• Trayecto 1: ta duna personanan cu status iregular cu ta trahando caba, e oportunidad pa regla nan papelnan y traha sin miedo di keda deporta.
• Trayecto 2: ta duna esnan casa cu un persona local of persona cu status legal, e oportunidad pa forma parti di e mercado laboral, y ademas ta duna nan yiu(nan) riba 18 aña y cu ta studiando na un instituto educacional reconoci na Aruba, e oportunidad pa traha banda di nan estudio, segun e duracion di e estudio.
• Trayecto 3: ta duna e personanan cu 5 aña legal, e oportunidad pa haya un permiso Flex pa maximo 5 aña y no ta mara na un dunado di trabao.
• Trayecto 4, tur stranhero cu ta presente, pero door di overstay di nan estadia turistico cu tin un status iregular y den e lunanan cu a transcuri no tin ni tampoco a logra haya dunado di trabao, awo por procede y haci un peticion pa un permiso di trabao cual ta ser duna pa un termino di 1 aña. E intencion ta pa dentro di e periodo di maximo 1 aña e persona por busca (y haya) un dunado di trabao.

Permiso di trayecto 4

E permiso di trayecto 4 ta duna su portador e oportunidad pa traha den servicio na cualkier compania cu ta registra na Departamento di Impuesto. E permiso di estadia ta uno cu ta ser duna un biaha so y ta pues di caracter provisorio y transitorio. Su portador ta haya e oportunidad pa dentro di un periodo di 1 ana, busca y haya un dunado di trabao p’e por sigui cu su proceso di permiso di trabao regular.

E permiso di trayecto 4:

• Ta valido pa un periodo di un aña (provisional y temporal);
• ta emití solamente un biaha;
• ta permiti e titular haya trabou cualkier compania registra na Departamento di Impuesto;
• ta duna e portador di e permiso e oportunidad pa denter di e aña haya y keda emplea cerca un dunado di trabou, permitiendo e procedura regular di permiso di trabou pa sigui.

Fechanan importante:

• Fecha di inicio pa Tratecto 4: 1 di october 2025
• Periodo di inscripcioon ta termina: 31 di december 2025 

E oportunidad aki pa personanan indocumenta registra y regularisa nan estadia, ta unico y ta urgi pa haci uzo di esaki prome cu e periodo vence fin di aña.

Despues di e implementacion di e maneho di Hunto pa Progreso, autoridadnan competente lo intensifica e controlnan den empresanan y tambe lo actua contra facilitadonan di personanan cu no ta regular, y por spera cu lo actua cu man duro.

Pa mas informacion di cada trayecto, por bishita www.dimasaruba.aw. Ademas por traha cita pa inicia e proceso door di scan e QR code.