Altocomisario di Polis Hulandes Janny Knol ta bishita Aruba
ORANJESTAD – Cuerpo Policial Aruba recientemente tabata tin e placer di yama bon bini na Janny Knol, Hefe di Polis Nacional Hulandes, y su team pa un bishita di trabou special na e isla.
Minister di Husticia Arthur Dowers a ricibi Altocomisario Knol na su ministerio, unda varios discusion a tuma luga, entre otro riba desaroyo di cooperacion internacional y fortificacion di partnershipnan entre Cuerpo Policial Aruba y Hulanda.
Durante nan estadia, nan a bishita diferente warda di polis y a haya e oportunidad pa conoce cultura di Aruba, e comunidad local, y e trabou diario di polis na Aruba. E bishita aki a fortifica e lasonan existente entre e dos cuerponan policial y a brinda un oportunidad pa un intercambio valioso di conocemento y experiencianan.
Banda di reuni cu Minister di Husticia y bishita varios warda di Polis, Hefe di Polis a bishita Procurador General di Aruba tambe.
