Agri-Business Academy a start cu grupo nobo di participante
ORANJESTAD - Na comienso di 2023, Ministerio di Asunto Economico, Comunicacion y Desaroyo Sostenibel conhuntamente cu Ministerio di Naturalesa y Qredits Aruba a introduci Agri-Business Academy.
Un serie di taller educativo cu e meta pa transforma agricultornan of esnan cu ta planta como hobby, den empresario den e sector agricola. E serie di tayer ta presenta pa Qredits Aruba y duna e personanan e hermentnan necesario pa por logra nan metanan, y sostene un negoshi exitoso.
Ta duna training y apoyo pa sigura cu agricultornan di Aruba ta bon ekipa pa maneha y crece nan negoshi agricola efectivamente. Hunto cu Qredits Aruba a inicia un Agri-Fund, cu ta un programa cu ta ofrece financiamiento cu interes abou (2%) pa apoya desaroyo y expansion di proyectonan agricola, y facilita agricultornan pa haya e capital necesario pa inverti den nan negoshi pa asina por aumenta productividad, promove sostentabilidad comercial y yuda crea siguridad alimenticio na Aruba.