Adjudant nobo di Gobernador di Aruba ta cuminsa sirbi
ORANJESTAD - Awemainta, 26 di september, Kapitein Wesley Veltman di Korps Mariniers a cuminsa den su funcion nobo como Adjudant di Gobernador di Aruba. E lo alivia Adjudant Frank Plomp.
Kapitein Veltman a nace na Emmeloord, Hulanda. Su carera den Korps Mariniers a cuminsa na 2009 como Marinier. Na 2017, el a wordo promovi pa Korporaal (onderofficier) y di 2019 pa 2021, el a completa e entrenamento di Officier. Durante su carera Kapitein Veltman a sirbi den varios despliegue operacional, incluyendo Aruba (augustus 2013 y januari 2015).
Prome cu el a bira Adjudant di Gobernador di Aruba, Kapitein Veltman a ocupa funcionnan como Troop Commander y Jr. HR Advisor pa e unidadnan operacional di Mariniers.
Potret: © Kabinet Gouverneur Aruba
