Acuerdo cu N.V. ELMAR pa facilita uzo di auto electrico den Gobierno

E acuerdo ta pa instala stacionnan di recarga vehiculonan eletrico, pa un departamento di Gobierno, den e caso aki Departamento di Asunto Economico, Comercio y Industria (DEACI), riba propiedad priva.

E mandatario a expresa su gratitud na N.V. ELMAR pa nan compromiso y participacion valioso
cu ta resulta den accion concreto na beneficio pa nos comunidad y nos medio ambiente.
Parti di e vision di Gobierno ta cu den futuro lo remplaza tur auto di gobierno pa uno electrico y
asina contribui na sostenibilidad y eficiencia den e aparato gubernamental. E prome paso aki ta
fungi como proyecto piloto hunto cu N.V. ELMAR y pronto lo cambia e fleta completo di
vehiculo di DEACI pa autonan electrico.
E cambio aki lo reduci e uzo di gasolin substancialmente y asina contribui na menos polucion di
nos medio ambiente.

N.V. ELMAR tin su servicio di EV ChargeUp; su red di cargado pa vehiculonan electrico rond
di Aruba. Pa medio di e acuerdo aki lo facilita e instalacion di stacionnan di recarga pa autonan
electrico, cual ta sirbi como un modelo cu lo por replica pa otronan den sector publico of
priva, y asina yuda acelera e transicion pa un economia mas sostenibel, segun Minister Wever.