Abattoir cera di 28 pa 30 juli
ORANJESTAD - Departamento di Salud Publico ta informa cu Abattoir na Veterinaire Dienst lo ta cera di 28 di juli pa motibonan fuera di nos alcance.
Dia 31 di juli, Abattoir lo habri bek pa asina e sector primario por sigui sacrifica nan bestia pa carni cu ta inspecciona y fresco pa consumo.
Corda cu e proceso di sacrifica animal na Abattoir ta tuma luga a base di afspraak.
Doño cu ta desea di sacrifica un of mas animal pa come, mester percura pa yama di antemano, pa confirma cu e kier haci uzo di e servicio di Abattoir.
Esaki ta pa purba coordina e matansa na un manera mas structura, cumpliendo cu reglanan di higiena.
Pa haci un afspraak por tuma contacto cu Veterinaire Dienst na telefoon 5224310 of 5224320 of pasa personalmente na Veterinaire Dienst na Barcadera.
