A rindi homenahe na 6 ex-director di oficina di turismo

E file aki ta den archivo.

ORANJESTAD - Recientemente, Ministerio di Turismo hunto cu Aruba Tourism Authority a celebra y honra e trabao excepcional y dedicacion incansabel di 6 persona cu a lidera e desaroyo di turismo di Aruba, como director di Aruba Tourism Authority.

Durante un ceremonia special, a reflexiona riba e cantidad di logronan bao di guia di e director/a anterior cualnan a forma e fundeshi solido di nos turismo.

•    Sr. Michael Kuiperi ( 1953-1971)
•    Sr. Odulio Bertrando “Beti Arends” qepd (1971-1985)
•    Sr. Roderick Rory Arends (1985-1989)
•    Sr. Remigio Wever (1989-1995)
•    Sr. Jan van Nes (1995-2000)
•    Sra. Myrna Jansen-Feliciano (2000-2009)

Aruba por ta orguyoso pa e tremendo trabou cu cada un di nan a haci como director/a di Aruba Tourism Authority (ATA). Durante cada un di nan termino na timon di ATA, nan a sa di demostra e compromiso, pasion y vision comun pa cu turismo di Aruba. Ta evidente cu e compromiso y amor cu cada un tabata lidera cu ne, a contribui na e progreso substancial di nos turismo y yuda forma e pilar economico di mas importante pa Aruba. 
 

homenahe na 6 ex-director di oficina di turismo