A desvela Henny Eman Boulevard
ORANJESTAD – Riba peticion di Stichting Henny Eman, a nombra un di e careteranan principal di Aruba na su nomber riba 6 di januari 2026.
Riba e mesun fecha, 6 di januari 2025, Aruba a despedi di Aruba su prome Minister President sr. Henny Eman. Awor parti di e caminda conoci pa decada como L.G. Smith Boulevard cu ta inicia na e retonde di Mahuma te cu e retonde di Sun Plaza, ta bira oficialmente Henny Eman Boulevard. E caya largo aki ta pasa dilanti di Aeropuerto Internacional Reina Beatrix, dilanti di Parlamento di Aruba y e oficina principal di Gobierno di Aruba y conecta cu e area di turistico principal.
Durante di e atardi di e desvelo, tambe a tuma luga un ceremonia den cual ehecutivonan di Aeropuerto Reina Beatrix a compaña Prome Minister Mike Eman y Minister Wendrick Cicilia plantando dos mata di Wayacá Macho riba e "berm" net pabao di e retonde di aeropuerto como parti di e plan nacional di reforestacion "Sembra Speransa". Hunto cu e desvelo di nomber di Henny Eman Boulevard, ta duna balor na nos biodiversidad y futuro.
Presidente di Stichting Henny Eman, sr. Tico Croes a hiba palabra diamars atardi tambe durante e develo di e borchi di Henny Eman Boulevard. Sr. Croes, cu tambe a fungi como minister den Gabinete Eman II y Eman III.
James Hepple, un experto den turismo na Aruba a repasa varios cifranan di nos turismo durante e ultimo decadanan. Sr. Hepple a remarca pa nos sigui enfoca riba turismo y tuma tur accion necesario pa garantisa nos turismo sigui florece.