A actualisa Schedule di e Unidad Mobil

ORANJESTAD – Departamento di Salud Publico (DVG) ta inform cu a actualisa e Schedule di e Unidad Mobil pa vacunacion di Influenza den Bario.

Pasobra Influenza no ta djis un simpel griep, e vacuna di Influenza ta disponibel den bario for di dia 5 di november, pa e grupo den comunidad cu ta na risico di bira hopi malo debi na Influenza. 

E grupo aki ta consisti di adulto mayor di 60 aña of mas y tambe di personanan menor di 60 aña pero cu ta sufri di malesa cronico of condicion di salud cu ta debilita nan sistema inmunologico.

E adulto mayor di 60 aña of mas ta bin na remarke pa ricibi e vacuna di Influenza completamente gratis y NO mester di recept di dokter di cas. E adulto mayor por ‘WALK IN’ na nos unidad mobil:

Schedule di e Unidad Mobil di Vacunacion den Bario
FechaLugaOrario
Diahuebs  13 di november 2025Frans Figaroa 8 a.m. – 11 a.m.
Diahuebs  20 di november 2025Centro di Playa Pabou8 a.m. – 11 a.m.
Diahuebs  20 di november 2025Sporthal  Santa Cruz8 a.m. – 11 a.m.

Seccion di Malesanan Infeccioso:

  • Na Avicenastraat#1 (patras di edificio di DVG)
  • Di dialuna pa diabierna
  • For di 1.30 pm - 4.00 pm 

Na momento di presenta, e adulto mayor mester bin cu su carchi di AZV.

Personanan cu ta sufri di malesa cronico of nan salud ta debil pero NO tin 60 aña ainda, tambe por ricibi nan vacuna completamente GRATIS, pero pa esaki si mester bin cu un recept di dokter di cas. Cu e recept e persona por ‘WALK IN’ na nos unidad mobil den bario of na Seccion di Malesanan Infeccioso di DVG, mesun orario menciona ariba.

Na momento di presenta mester bin cu e recept di dokter di cas y tambe su carchi di AZV.

Vacunacion den Auto 

Pa pashentnan cu limitacion mobil, por ehempel den rolstoel, DVG tin servicio di vacuna den auto 

Na yegada di e persona inmobil na nos localidad su familiar of dunador di cuido mester baha pa haci e parti administrativo y un enfermero di e seccion lo sali pafo pa brinda e servicio di vacunacion den auto.

Pa pashentnan na cama (bedlegerig) mester yama na 5224200 pa inscribi pa e servicio na cas. Un enfermero di e Seccion di Malesanan Infeccioso lo yama bek ta traha un cita.

Tur otro persona cu NO tin 60 aña y tampoco tin malesa cronico, pero ta desea di ricibi e vacuna di Influenza lo wordo informa den transcurso di siman na ki momento e vacuna ta disponibel pa cumpra.

Pa keda semper bon informa:

  • Like nos Facebook page Directie Volksgezondheid DVG Aruba
  • Sigui nos riba Instagram directie_volksgezondheid_aruba
  • Bishita www.dvg.aw
  • Yama nos na 5224200
  • Mail nos na servicio@dvg.aw
Schedule di e Unidad Mobil di Vacunacion den Bario