30 di juni 2026 ta e ultimo dia pa paga impuesto di vehiculo di motor pa e di dos mita di aña 2026
ORANJESTAD – Departamento di Impuesto ta recorda tur su clientenan cu 30 di juni 2026 ta e ultimo dia pa paga impuesto di vehiculo di motor pa e di dos mita di aña 2026.
Entrante 1 di juli 2026, e boet pa incumplimento ta 50%.
No laga bo debe crece cu gasto innecesario. Haci e pago na tempo.
Atencion
Si acaso ainda Bo no a paga e impuesto di e prome mita di aña, Bo a haya boet di 50% caba. Si no paga e debe aki, Bo no por paga e impuesto di e di dos mita di aña. E ora Bo lo bolbe haya boet di 50%. Nos ta conseha pa paga ful e suma di 2026 na tempo, pa evita cu mas gasto ta keda acumula riba bo nomber.
Si Bo tin debe di impuesto di vehiculo di motor di añanan bieu, awor ta posibel pa cera un areglo di pago pa debenan te cu aña 2025. Mester cera e areglo aki via nos portal 'BO impuesto' (BOi). Si Bo no tin un account di BOi, registra awe mes. Via e folder 'Betalingsregeling' por cera e areglo facilmente.
Persona priva por registra pa un account di BOi via: https://bo.impuesto.aw/public/portal/index.html.
