Workshop Mi Relacion cu Placa di Departamento Asunto Social na Centro di Bario Playa Pabou
ORANJESTAD – Seccion di Guia Social & Bida y Famia di Departamento Asunto Social (DAS) ta presenta otro workshop pa e comunidad titula Mi Relacion cu Placa.
Un workshop destina pa siña bo e trikinan pa deal mihor cu placa y con pa deal cu sentimentonan cu placa por ocasiona den bo bida.
Placa no ta solamente number. E ta tambe con nos ta pensa, sinti y actua. Comprende bo relacion cu placa ta e prome paso pa maneha esaki miho.
- Fecha: diasabra 17 di october 2026
- Orario: 8.30 am – 12.30 pm
- Luga: Centro di Bario Playa Pabou
E workshop ta totalmente gratis!
Informacion pa registra:
- Registra na info@das.aw;
- Menciona cu Bo kier join nos workshop;
- Skirbi Bo nomber y fam;
- Skirbi Bo number di telefon;
- Una bes a registra Bo, lo Bo ricibi un e-mail di confirmacion;
Esaki ta bo oportunidad di conoce bo maneho di placa y con pa atende cu emocionnan cu por presenta door di e situacion financiero.
Departamento Asunto Social ta gradici CEDE Aruba y Centro di Bario Playa Pabou pa nan sosten den e proyecto aki.
