Weganan Escolar 2024

Weganan Escolar ta un competencia pa alumnonan di scol preparatorio, basico y secundario cu ta competi den diferente disciplina e.o. futbol, volleyball, beach tennis, badminton, “kids athletics”, We Mente y We Baile. Durante 2 siman, 1300 alumno di 45 scol lo bataya contra otro pa conkista e titulo maximo. 

Tur scol cu ta participa na Weganan Escolar 2024 lo hisa bandera di Aruba y bandera di Weganan Escolar riba dialuna. E meta di esaki ta pa inculca e amor patriotico den nos hobennan y crea e espirito di competencia. Asina dialuna 27 di mei 2024, na Mon Plaisir School, a hisa bandera y canta e himno di Aruba y di Weganan Escolar. 

Ministerio di Enseñansa y Deporte, ta invita e pueblo di Aruba pa bin duna sosten na e mucha- y hobennan durante e gran apertura di Weganan Escolar 2024, diasabra 1 di juni 2024 den Compleho Deportivo Nadi Croes y Crismo Angela na Santa Cruz.

Pa mas información por tira un vista riba e Schedule di Weganan Escolar 2024.