Vacuna di Influenza y COVID disponibel pa personal di cuido cu contacto directo cu patient

E file aki ta den archivo.

ORANJESTAD - Departamento di Salud Publico (DVG) ta informa cu den e siman di 14 te cu 18 oktober 2024, Seccion di Malesanan Infeccioso ta warda tur personal cu ta duna cuido directo na patient, pa pasa busca nan vacuna di Influenza y/of COVID.

E vacunanan ta disponibel na seccion di Malesanan Infeccioso (DBZ) situa na Avicenastraat #1 (patras di edificio di DVG) for di 8.00 -11:45 di mainta y atardi for di 1:15 pa 4:00. Pa por ricibi e vacuna di Influenza y/of COVID ta rekeri pa e dunado di cuido presenta cu su carchi di AZV. Personal di cuido ta inclui asistentenan di por ehempel dokter di cas, specialista, dentista y casnan di cuido cu no a vacuna ainda e aña aki. 
 

Pa mas informacion “like” DVG riba Facebook @Directie Volksgezondheid DVG Aruba, Follow DVG riba Instagram directie_volksgezondheid_aruba, subi www.dvg.aw, yama 5224200 of mail manda bo email na servicio@dvg.aw

Vacuna di Influenza y COVID disponibel pa personal di cuido cu contacto directo cu patient