Tur organisacion den cuido mester registra tur aña!

E re-inscripcion ainda no a drenta na vigor, pasobra segun maneho di Ministerio di Turismo y Salud Publico, prome a ofrece e proveedornan di salud e oportunidad pa registra y pasa door di e proceso nobo na un manera adecua. Awor ta tempo pa cumpli cu e obligacion legal. E registro di proveedornan di cuido medico ta un implementacion di art. 2 inciso 4 di Ordenansa Nacional tocante calidad den cuido medico. E ta rekeri cu e ta registra como dunado di cuido medico y cu e ta cumpli cu condicionnan specifico pa ta y keda registra. E mester tin un procedura di keho y ta afilia na un comision di keho cu un presidente independiente. E presidente aki no por tin un relacion cu su practica/institucion.

For di 1 di februari 2024 esaki ta nifica cu organisacionnan cu no tin nan registro na ordo no por registra un dunado di cuido medico pa traha cerca nan. E proveedornan di cuido medico cu no a registra ainda tambe lo obliga e Instituto di Calidad pa notifica Inspectie Volksgezondheid Aruba (IVA) di un violacion di ley.

Tur proveedor di cuido medico registra for di 2023 mester registra nan mes atrobe. E re-inscripcion mes lo drenta na vigor dia 31 di maart 2024 y esaki ta implica cu mester manda un email na josue.kelly@dvg.aw, ingrid.croes@dvg.aw of kwaliteitsinstituut@dvg.aw cu e siguiente documentonan:

1.    Un bista general si tabatin un cambio den e siguiente puntonan durante e ultimo aña:
a.    e entidad Huridico (nomber di e organisashon / forma Huridico );
b.    e bestuur, director (nan), accionista, zorgmanagers cu copia di nan ID y registracio di Censo.
c.    permiso di establecimento (pa extencion/otro servicio).
d.    permiso di director of permiso di trabou y residencia, si ta necesario.
e.    procedura di keho, si e procedura of e comision a cambia.

2.   Polisa di seguro y cobertura (na Afl.) di seguro di responsabilidad profesional pa bo persona (empresa/un persona/ asosacion) y e cuidadonan cu ta traha den e organisacion.
3.    Manpower plan pa e aña aki.
4.    Un informe anual di calidad cu normalmente ta entrega na IVA (2023).
5.    Un lista completo di verificacion di si (ainda) ta cumpli cu e rekisitonan di calidad di  Ordenansa Nacional di calidad di Cuido Medico (AB 2014 no. 74), manda e "formulario di re-inscripcion di proveedornan di cuido medico" completo y firma.

Consecuencia
Falta di cumplimento y no bolbe registra, lo resulta den anotacion den e registro. Esaki ta nifica cu e ta ricibi un carta, di e minister responsabel, pa no cumpli cu e rekisitonan. Inspeccion di Salud Publico (IVA) y UO AZV lo ricibi copia di e carta.

Ta enfatisa cu un registro valido como proveedor di cuido medico ta crucial pa garantisa confiansa di pashent y partidonan interesa den cuido di calidad halto. Si tin pregunta tocante e procedura di registracion of e documentonan necesario, tuma contacto cu DVG su personal di registracion. DVG ta confia cu tur proveedor di cuido lo tuma e cuestion aki na serio y cumpli cu e documentonan rekeri na tempo. Hunto nos por contribui na un sistema di salud cu ta cumpli cu e standard internacional di calidad halto.

Pa mas informacion sigui DVG riba Facebook page Directie Volksgezondheid DVG Aruba, of riba Instagram directie_volksgezondheid_aruba, bishita www.dvg.aw , yama 5224200 of manda bo email na servicio@dvg.aw