Tips pa biahero
ORANJESTAD – Den e temporada aki hopi famia ta bay afo cu vakantie y Departamento di Salud Publico ta duna tips pa bo tene na cuenta cu nan prome cu bo biaha:
- Informa riba diferente aspecto di e pais cu bo ta bay bishita: clima, haltura, higiena, calidad di awa, e malesanan cu tin den e pais y con pa proteha bo mes di esakinan.
- Ora di come, laba man bon prome; come cuminda cu ta recien cushina y no cu a para pa basta rato.
- Bebe awa di boter, laba fruta cu awa di boter of come frutanan cu casca.
- Si bo ta sufri di un malesa cronico consulta cu bo dokter prome cu bo biaha y si bo ta uza remedi bay cu extra.
- Averigua si e pais cu bo ta bay ta exigi pa bo tuma cierto vacuna.
- Sea atento na insecto cu ta transmiti malesa.
- Pa bo siguridad y di bo famia, no lubida di cera un seguro di biahe.
Prepara bon pa tur cos bay bon y logra un tempo di descanso y felicidad.
