Simposio “Heritage, History and Healing Aruba’s Future

Prome Minister, mr. Mike Eman a habri e simposio cu un discurso den cual a subraya cu prosperidad real por solamente logra ora tur hende ta gosa di esaki. 

Tambe den su discurso:

• A referi na e pasado rico di Oranjestad y particularmente e bario historico di Rancho, unda cu e piscadornan balente a forma e fundeshi di e comunidad Arubano.
• A conta e historia impresionante di Boei Orman, un piscado legendario di Rancho, cu despues di a perde riba lama grandi a logra yega bek na tera danki na su determinacion y instinto di sobrevivencia, acompaña pa un fuerte sentido di responsabilidad pa su famia y comunidad.
• A reflexiona riba e maneranan cu nos pueblo chikito a nace for di e circunstancianan duro y con e espirito di e piscadonan di Rancho, den tempo di necesidad tabata ta e pilar riba cual e comunidad tabata depende. E determinacion pa subi lama bruto y trece alimentacion pa henter comunidad ta un simbolo fuerte cu por logra ora pueblo ta traha hunto pa un meta comun.

Durante e simposio, a pone enfasis riba e profundidad di nos relacion historico-cultural cu e regionnan di e costa di Venezuela y Colombia, Guajira y Riohacha, cu un laso di pasado comparti, pueblo indigena y intercambio cultural cu a duna forma na nos identidad nacional.

Na fin di su discurso, sra. María Isabel Cavarcas Aguilar, directora ehecutivo di “Fundacion Compartimos La Felicidad” y “Inspirarte”, a entrega Prome Minister Eman  un sombre tradicional di Riohacha. Clifford Rosa, lider di Stichting Rancho, y su ekipo tambe a ricibi e reconocementonan formal for e autoridadnan relevante di Riohacha pa nan trabou continuo pa conserva y honra e herencia di nos pueblo.