Siman Mundial di Lech'i Pecho!

Cu e lema di e aña aki "Priorisa Dunamento di Lech'i Pecho: Crea Sistemanan di Apoyo Sostenibel" , nos ta enfoca ariba e importancia vital cu lech'i pecho tin pa nos baby, mamanan y mundo henter.  

Lechi materno ta e alimento mas completo y perfecto cu un baby por haya, ofreciendo beneficionan inigualabel for di su prome dia.  

Top 5 Beneficio di Lech'i Pecho 

• Nutricion Completo y Soño Profundo: Lechi materno ta proporciona tur e nutriente, vitamina y mineralnan cu un baby mester pa crece saludabel. 

E babynan cu ta wordo alimenta cu lech'i pecho ta drumi miho  

• Defensa y Proteccion: E lechi aki ta contene anticurpa cu ta proteha e baby contra infeccion , alergia y malesanan cronico, fortaleciendo su sistema inmunologico  
• Vínculo Unico: Dunamento di lechi ta fomenta un laso emocional profundo y special entre mama cu baby, promoviendo su desaroyo emocional y cognitivo.
• Recuperacion di e Mama: Duna pecho ta yuda e mama pa recupera su peso mas lihe, ta yuda reduci e riesgo di sangramento y ta reduci e riesgo di cierto tipo di cancer y osteoporosis.
• Beneficionan Ambiental y Economico: Duna lech'i pecho ta sostenibel, no ta rekeri boter, ni blekinan, e ta gratis; dus un opcion ecologico y economico.

¡Ban apoya tur mama na Aruba den nan precioso periodo di duna lech'i pecho na nan yiunan. Hunto, ban construi un futuro mas saludabel pa nos muchanan y e comunidad completo!