Shete personal di mantencion di Cuerpo Policial a firma contracto di trabou
ORANJESTAD - Recientemente a tuma lugar firmamento di contracto di trabou pa shete personal di e departamento mantencion di Cuerpo Policial Aruba.
Nan tarea ta importante pa nos organisacion, sin nan nos organisacion no por sigui wordo bon manteni. Nos ta aprecia nan trabou y esfuerso cu nan ta haci. Nan ta nos “weso di lomba” y ta forma parti di e famia di Polis. Den e cuadro aki mando policial conhuntamente cu DRH (Departamento di Recurso Humano) a percura pa drecha nan posicion legal di trabou.
E movecion aki ta fortalece e vision cu tur hende ta central den Cuerpo Policial Aruba. KPA ta felicita cada un di nos colega y ta manda un palabra di gratitud na DRH (Departamento di Recurso Humano) pa cu e esfuerso brinda pa asina posicion di trabou di nos personal ta regla.