Scol Dun’un Man a inaugura nan Klas Digital

Scol Dun’un Man a ricibi borchinan digital pa cada klas unda por a mira e alumnonan hopi entusiasma, duna un demostracion di e facilidad cu nan tin pa maneha e borchinan aki.

E felicidad riba cara di e alumnonan y e maestronan tabata bisto, cu e tecnologia digital aki cu ta haci siñamento hopi mas atractivo, facil y agradabel.

EduTech ta un proyecto cu a cuminsa dos aña y mey pasa den cual Gobierno a pone mas di 800 mil florin disponibel. Scolnan por a inscribi nan proyecto cu e oportunidad pa gana y asina haya fondo pa ehecuta esaki nan proyecto den caso cu nan gana. E meta di EduTech ta pa transforma lesnan dunando oportunidad pa un sistema di enseñansa mas interactivo, atractivo y innovativo pa e studiantenan.

Riba e mainta di bishita di Minister President, Scol Dun’un Man a inaugura nan Klas Digital cu ta ful ekipa cu varios sorto di ekipo innovativo, danki na varios otro patrocinador cu a yuda cu esaki. Por medio di esaki e muchanan cu ta atende e scol
por drenta e mundo digital y ta miho prepara pa futuro“Ta hopi bunita pa wak con ta adopta e medio digital den enseñansa pa nos muchanan special”.

Pa Gobierno, inclusion ta hopi importante, y cu e proyecto aki a contribui na digitalisacion di enseñansa y inclusion den enseñansa na Aruba. Irespecto cua scol un mucha ta atende tur mester tin e mesun oportunidadnan.