Ricardo Cooper a duna basketball clinic na Village Basketball Court na San Nicolas

Ricardo Cooper mes a duna e clinic aki na muchanan entre edad di 6 pa 18 aña. E interes pa e clinic aki tabata enorme y a descubri hopi talento den e deporte di basketball entre e hobennan cu a participa.

Ta apenas algun tempo atras cu a inaugura e cancha di basketball completamente renoba, cual a dedica na e legendario basketbolista Malary Anthone "Pete" Coco den feliz memoria y Ricardo Cooper.

Ministerio di Deporte ta gradici sra. Terry Gumbs pa organisa e clinica aki y sr. Ricardo Cooper cu a duna su tempo, experticio y dedicacion na e hobennan. 
Cada deportista mas ta un mucha menos riba caya y esaki ta contribui na un fundeshi fuerte pa nos comunidad sano.