Reubicacion temporal di Tienda Legal Laboral Savaneta pa e edificio di DPL San Nicolas pa motibo di renobacion

ORANJESTAD – Directie Arbeid en Onderzoek (DAO) y Tienda Legal Laboral (TLL) ta informa comunidad cu, pa motibo di trabounan den conexion cu renobacion grandi na e edificio di MFA Savaneta, e ekipo di TLL Savaneta lo opera temporalmente for di e edificio di Departamento di Progreso Laboral (DPL) na San Nicolas desde diamars 6 di october.

E reubicacion temporal aki lo drenta na vigor desde diamars 6 di october pa un periodo calcula di dos (2) luna, pa asina por garantisa e continuidad di e servicionan legal y di conseho laboral pa e habitantenan di e districto di Savaneta y San Nicolas durante e trabounan di construccion.

Servicio no ta stop
E ekipo di TLL lo sigui duna e mesun asistencia profesional, husto y accesibel relaciona cu derecho laboral, contract nan di trabou, salario y mediacion den conflicto.

Adres y Contacto Temporal di TLL Savaneta / San Nicolas:

  • Adres nobo temporal: Edificio di DPL San Nicolas, B. v.d. Veen Zeppenveldtstraat #52, San Nicolas
  • Telefon: 5237770
  • E-mail: dao.tll@aruba.gov.aw

Orario di servicio:

  • Dialuna te cu diabierna: 08:00 – 12:00 & 13:00 – 15:00
  • Diaranson: 08:00 – 12:00

Otro localidad di TLL ta keda opera normalmente:
Por acudi tambe na e otro sucursal di TLL:

  • MFA Paradera
    ○    Adres: Paradera 145-C
    ○    Telefon: 5237750
    ○    E-mail: dao.tll@aruba.gov.aw

DAO y Tienda Legal Laboral lo mantene e publico debidamente informa di e desaroyonan y e momento cu e ekipo por regresa na e edificio renoba di MFA Savaneta.