Recordatorio Festival di Cuminda di Expo Salud: Promove Salud y Bienestar 2025 mañan 27 di september
ORANJESTAD – Departamento di Salud Publico (DVG) recorda comunidad nan invitacion pa asisti mañan 27 di september pa un biahe culinario inolvidabel.
Na 'Food Festival' di Expo Salud: Promove Salud y Bienestar 2025 lo bo descubri un mundo di sabor y variedad cu lo nutri bo curpa y alma.
For di productonan local fresco te cu e propuestanan mas tentado di nos food trucks y tents, caminda cada hap lo ta un step mas pa bienestar.
Bin explora un diversidad di cuminda y bebida cu ta delicioso y beneficioso na mesun tempo.
Mas cu un festival di cuminda, Expo Salud ta un oportunidad unico pa inspira bo mes.
Nos kier guia bo den e caminda pa un estilo di bida yen di bienestar, na unda salud y trankilidad ta bay man cu man.
Bo lo tin e oportunidad di siña, inspira y conecta cu otronan cu ta comparti e mesun pasion pa un miho vida.
Nos ta wardando bo cu hopi entusiasmo!
Prepara bo mes pa un expo yen di energia, producto fresco y cuminda saludabel—un experencia inspirado pa yuda bo biba bo miho bida awor mes.
Pasa y descubri muestranan local, of tuma un tiki tempo pa relaha, conecta cu otro y gosa di platonan dushi y saludabel.
Save the Date:
- Fecha: Diasabra, 27 di September 2025
- Orario: 4:00 – 9:00 PM
- Luga: Caya Ing. R. Lacle 4, Oranjestad (caya dilanti edificio di DVG)
- Entrada: Gratis
E Food Festival for Health na unda salud y trankilidad ta bay man cu man. Nos ta warda bo!