Reconocemento na e 24 graduadonan cu a sobresali como e miho graduadonan pa aña 2026
ORANJESTAD - Recientemente e 24 miho studiantenan cu a ser honra durante e “Best Student Award Event 2026”, organisa pa Women’s Club of Aruba.
E ceremonia aki a rindi homenahe na graduadonan di diferente scolnan di Aruba pa nan logronan sobresaliente durante e aña escolar 2025-2026:
- VWO: Evie van der Sloot - Colegio Arubano
- HAVO: Jia Tao Zhong - Colegio Arubano
- International School of Aruba: Nayna Mirchandani
- EduCampus: Kyanna Semerel
- IBERO American High School: Francesco Ceccarelli Faria
- MAVO (6 vakken): Jayden Orman - Juliana School
- MAVO (7 vakken): Amylee Melo Amaya - Mon Plaisir College
- MAVO (8 vakken): Jekiël Maduro - Colegio San Antonio
- EPI Economics – Financial Administration: Ayden-George Dirks
- EPI Economics – Business Administration & Control Specialist: Ashlei Leonor
- EPI Health & Services – Social Pedagogical Worker: Gabriela Boekhoudt
- EPI Health & Services – Nursing: Kaylee Lake
- EPI Science & Technology – Electrical Engineering: Jeandrick Croes
- EPI Science & Technology – ICT: Jaquan Geerman
- EPI Hospitality & Tourism – Hotel & Restaurant Management: Zoëlly Yarzagaray
- EPI Hospitality & Tourism – Travel & Hospitality: Theron Ras
- EPB Oranjestad – Labour Market Level: Maria Torres Quispe
- EPB San Nicolas – Electrical Installation Technician (ABO): Dan Charles
- Police Training & Development Division: Chandra Gir
- Avond-VWO: Juan Escobar Rua
- Avond-HAVO: Sarah Wever
- Avond-MAVO (7 vakken): Oriannis Borges Perez
- Avond-MAVO (6 vakken): Valentina Dijkhoff
- Openbaar Avond Beroepsonderwijs Aruba – Electrical Installation Technician: Laiyoni Werleman
E aña aki, e evento a conta cu e grato presencia di Gobernador di Aruba, Su Excelencia Alfonso Boekhoudt, acompaña pa su señora Hanneke Boekhoudt-Koetse, como miembro honorario di Women’s Club of Aruba. Hunto cu Minister di Relacionnan den Reino, Educacion, Hubentud, Innovacion y Deporte, sra. mr. Gerlien Croes, kende tabata presente pa saluda y celebra cu e graduadonan, nan a reconoce e dedicacion y perseverancia di e hobennan aki.
Un di e momentonan mas emocionante y significante di e atardi tabata ora un graduado, Byron Lesire, a subi escenario pa comparti un bunita poema motivacional. Su palabranan di curashi y speransa a inspira tur presente, sirbiendo como un testimonio bibo di determinacion y superacion.
“E studiantenan cu a wordo honra durante e evento aki ta ehempel di disciplina y curashi. Nos como Gobierno di Aruba ta sumamente orguyoso di e logro di cada un di boso. E caminda pa yega na haci boso soñonan realidad no semper ta facil, pero boso a demostra cu e ta esun cu mas balor cu un persona por kies pa cana”, Minister Gerlien Croes a expresa.
E ‘Best Student Award’ ta un tradicion di Women’s Club of Aruba, cu tin como meta pa stimula excelencia academico y celebra ehempel positivo entre hubentud cu ta inspira otronan y comunidad en general.
Minister Croes tambe a duna un palabra di aprecio na Women’s Club of Aruba pa nan compromiso continuo pa empodera e hubentud y promove educacion como pilar di desaroyo di Aruba. “E futuro generacion di nos isla ta un di e pilarnan mas importante cu nos por dedica na dje, empoderando nan cu tur locual nan mester. Mi ta extende mi gratitud na Women’s Club of Aruba pa sigui pone esfuerso riba e potencial increibel di nos studiantenan y pa motivanan pa persigui nan soño”.
Nos ta felicita e graduadonan un biaha mas y ta invitanan pa considera esaki como un paso firme pa un futuro yena di confiansa y proposito. “E ruta padilanti por presenta reto, pero corda semper cu bo pais tin pleno confiansa den bo. Carga bo conocemento, bo balornan y bo vision cu bo, y keda enfoca riba positivismo,” Minister Gerlien Croes a conclui.
