Rapport “Als zorg levens kost: calamiteiten in verzorgingshuizen”

Den e rapport aki IVA ta comparti resultadonan di seis (6) investigacion di calamidad cu IVA a realisa den e periodo 2020-2024 den e casnan di cuido na Aruba. Den tur seis caso, despues di un investigacion detaya, a determina cu tabata trata di un calamidad: un evento inespera of no intencional den cuido cu a resulta den daño serio of morto.

E resultadonan den e rapport ta mustra cu e cuido den e diferente casnan di cuido ta atras den areanan fundamental. Esaki no solamente ta subraya e necesidad di un esfuerso comparti, pero tambe e importancia di supervicion continuo y fuerte como tambe responsabilidad y perseverancia di tur partido concerni.

IVA ta haci un peticion urgente pa sigura cu e mehoracionnan di calidad cu a wordo realisa wordo salbaguardia. Analisa incidente y uza instrumentonan di supervicion so no ta suficiente. E puntonan di atencion ta conoci y ta rekiri un enfoke sistematico na nivel di maneho. Solamente asina nos por reduci e riesgo agudo como tambe garantisa e calidad, continuidad y siguridad di cuido pa cliente di e casnan di cuido.

IVA ta enfatisa cu e implementacion y cumplimento di standardnan profesional di cuido ta un responsabilidad comparti di instancianan di gobierno, organisacionnan di cuido, supervisornan, profesionalnan di cuido y otro partners den e sistema di cuido. Colaboracion structural y hancramento di normanan di calidad den maneho di un forma duradero ta necesario pa desaroya un sistema di cuido cu ta prepara pa futuro y cu ta duna hende grandi na Aruba un cuido cu ta cumpli cu standardnan profesional – un cuido cu ta husto y digno. 
“A society that honors its elders honors its future.”

Pa lesa e informe completo por click e siguiente link: https://www.iva.aw/rapportnan-di-inspeccion-general.