Qredits Aruba conhuntamente cu Aruba Airport Authority a inicia e programa educativo “BeYourOwnBoss” 2025 – 2026

Un total di 260 studiante di MAVO y HAVO, entre e edad di 13 – 17, ta participa den e programa, cu e enfoke riba habilidadnan clave pa futuro.

Pa inicia e programa educacional, Qredits Aruba conhuntamente cu Aruba Airport Authority a bishita Maria College MAVO, cu ta un di e scolnan participante di e “BeYourOwnBoss” programa.

Nos ta desea tur studiante y docentenan di e scolnan participante un aña escolar yena cu motivacion, desaroyo personal y exito cu e programa “BeYourOwnBoss”.

E scolnan participante den e edicion di aña escolar 2025 – 2026 ta: Colegio San Antonio, De Schakel College (MAVO y HAVO), Educampus Aruba, Maria College y Colegio Nigel Matthew (HAVO).

Un gradicimento ta bay na Aruba Airport Authority N.V. pa patrocina e continuidad di e programa educativo “BeYourOwnBoss” y pa e colaboracion cu lo haci un impacto positivo riba e studiantenan y nan preparacion pa nan futuro carera.

Bo lo desea pa sa mas, keda pendiente riba nos Facebook y Instagram pa mas informacion.