Proyecto di Avenida Milio Croes y e prome fase di e proyecto di High rise hotel ta kedando cla

E trabao den Avenida Milio Croes ta kedando cla. Esaki ta un caminda importante cu tin hopi comercio y trafico. E renobacion di e caminda aki ta trace un alivio pa usuarionan.  

Pa loke ta e proyecto di High Rise Hotels, esaki ta parti den tres fase mirando cu ta practicamente imposibel pa cera e caminda completamente y stroba acceso na hotel.
E prome fase ya ta finalisando segun plan y ta inclui acera y capa di asfalt y landscape nobo pero tambe iluminacion pa siguridad di tur usuario.

E proyectonan aki ta financia cu fondonan publico aloca den presupuesto di Pais Aruba. Esaki despues cu pa 2023 y 2024 a constata surplus den ambos presupuesto.