Proyecto Bushiri Shoreline
ORANJESTAD - Departamento di Obra Publico ta desea di informa comunidad di Aruba cu entrante diamars 26 di Augustus 2025 ta cuminsa cu e proyecto di Bushiri Shoreline Upgrade.
E trabounan lo tuma lugar na/entre ex-Bushiri Hotel parkeerplaats pa Divi Dutch Village Beach Resort.
E trabounan cu ta bay tuma lugar ta:
- Reconstruccion di e parkeerplaats di ex Bushiri Hotel;
- reconstruccion di fietspad entre e parkeerplaats y Divi Dutch Village Beach Resort.
E trabounan relaciona cu e e proyecto di Bushiri Shoreline Upgrade, lo tin den total un duracion di 80 dia di trabou.
Nos ta pidi bo(so) persona comprension y cooperacion pa e trabounan cu mester tuma lugar y ta pidi disculpa pa cualkier inconveniencia cu por surgi.
