ORANJESTAD - Despues di e instalacion inicial di 50 luz aña pasa, ta intensifica e esfuerso pa
mehora e visibilidad y siguridad den nos centro di ciudad cu instalacion di 100 palo di luz adicional. 
 

E proyecto aki ta parti di e strategia holistico pa revitalisa Oranjestad y crea un ambiente mas sigur y atractivo pa tur habitante, bishitante y empresario.

Minister di Asunto Economico, Comunicacion y Desaroyo Sostenibel, Geoffrey Wever a indica di ta consciente di e retonan den nos centro di Oranjestad y ta haciendo tur esfuerso pa crea e condicionnan necesario pa soluciona esakinan y asina por atrae mas inversion y bida atrobe den Oranjestad. E inversion aki ta enfoca riba aumenta e siguridad durante oranan di anochi, pa stimula e desaroyo di entretenimento y bida nocturno den centro di ciudad.

Gobierno ta kere cu Oranjestad por ta e proximo luga unda tur hende lo desea di frecuenta y pa logra esaki ta necesario pa inverti den infrastructura, ambiente y oportunidad pa entretenimento. Ta trahando riba crea espacionan vibrante, cu mas bida y actividad, cu ta yama tanto localnan, como turistanan pa disfruta di loke Oranjestad tin pa ofrece.

Tin planea pa instala e luznan na mitar di e aña aki.