Presupuesto 2024 ta e prome presupuesto cu lo midi cu e normanan di LAFT
ORANJESTAD - Ministerio di Finansa ta informa cu Presupuesto 2024 ta bira e prome presupuesto cu lo midi cu e normanan nobo aki pa CAFT.
Na december 2023 Parlamento di Aruba unanimamente a ancra e normanan
presupuestario nobo pa Aruba den e ley di supervision financiero LAFT. Ta trata di tres
norma cu ta codifica den articulo 14 di e Ley di LAFT.
Tres norma
E prome norma ta rekeri pa Aruba tin un surplus di por lo menos 1% di GDP tur aña. E di
dos norma ta stipula cu e gastonan di personal no por sobrepasa e 10% di GDP anual,
cual ta un meta cu mester keda logra pa aña 2027. E di tres norma ta encera cu e
porcentahe di debe di Pais Aruba relata na nos GDP, e quota di debe, mester yega na 50%
na 2040.
Presupuesto 2024
CAFT lo uza e tres normanan nobo pa prome bes pa supervisa e ehecucion di Presupuesto 2024. Presupuesto di Pais Aruba pa 2024, ta conta cu un surplus di 2,2% conforme e ultimo Cambio di Presupuesto 2024. E gastonan di personal ta na 484 miyon florin cual ta 8% di nos GDP. E debe di Aruba ta bahando rapidamente y ta na 73% di nos GDP den 2024, y esaki ta conforme e caminda cu mester cana pa yega na 50% di nos GDP na 2040.
