Presentacion di resultado di Encuesta Nacional STEPS 2023

STEPS ta un encuesta nacional cu a inicia na 2023, unda cu 20 encuestado a bishita diferente cas rond di Aruba. E meta tawata pa logra colecta informacion for di mas di 5000 ciudadano entre edad di 18 cu 69 aña relaciona cu nan salud, estilo di bida y salud mental. 

STEPS 2023 ta indica cu:

• 78% di nos poblacion tin sobrepeso, di cual casi mita esta un 46% ta sufri di obesidad.
• 24% di nos poblacion ta sufri di high blood pressure, di cual un 9% ta hobennan entre 18-29 aña di edad.
• 38% di e populacion ta na riesgo pa haya un malesa cronico.

Otro cifra halto ta esun di e consumo di alcohol. E uzo di tabaco ta menos alarmante pero si ta mustra cu e uzo ta halto entre e hobennan.

E datonan aki ta duna un bista general y Ministerio di Salud Publico, ta trahando caba riba varios proyecto di prevencion pa asina den futuro e cifranan aki por mehora.

Ta importante pa cada ciudadano tuma rienda di su salud y di su famia desde trempan den bida, sino e chens ta grandi cu den futuro por tin un of mas complicacion di salud. Tur hende kier un bon calidad di bida y esey ta cuminsa cu un bida saludabel.

Gobierno ta gradici PAHO (Pan American Health Organization) y WHO (World Health Organization) pa nan asistencia y apoyo cu e encuesta aki cu ta un herment importante pa Gobierno y cu lo sirbi lo traha riba e miho maneho posibel pa cu e tema aki.