Presentacion di modelo di poder di compra

Pa e koopkrachtmodel por calcula e impacto di maneho riba e poder di compra pa e 32 diferente tipo di hogar, Economisch Bureau Amsterdam a colecta y procesa data ricibi di departamentonan di gobierno y instancianan. E modelo ta consisti entre otro di e diferente tarifa di inkomstenbelasting y belastingvrije voet, kinderaftrek, eigenbijdrage AOV-AWW- AZV werknemer y werkgever, primanan AOV-AWW- AZV, bijstand, schoolbijdrage, sumanan di pensioen AOV y AWW, salario minimo y inflacion.

Despues di a cuminsa e proceso pa traha e koopkrachtmodel na januari 2024 y duna presentacion na Parlamento di Aruba y Conseho di Minister, Economisch Bureau Amsterdam a presenta e koopkrachtmodel y su uzo na Departamento di Finansa (DirFin), Departamento di Impuesto (DIMP), Centraal Bureau voor de Statistiek (CBS), Directie Arbeid en Onderzoek (DAO), Sociale Verzekeringsbank (SVB), Algemene Ziektekosten Verzekering (AZV), Sociaal- Economische Raad (SER), Centrale Bank van Aruba (CBA), Aruba Tourism Authority (ATA) y Stichting Algemeen Pensioenfonds Aruba (APFA).

E poder di compra y calculacion di esaki ta un tema importante y p'esey ta esencial cu e calculacion den e koopkrachtmodel ta basa riba data concreto y relevante pa asina garantisa cu e resultado ta refleha e situacion actual.

Minister Geoffrey Wever ta gradici DEACI y DirFin, DIMP, CBS, DAO, SVB, AZV, SER, CBA, ATA, y APFA pa nan contribucion valioso na e proceso pa traha e koopkrachtmodel.