Peticion pa retiro di Gabinete Wever-Croes II
E file aki ta den archivo.
ORANJESTAD – Awe, 9 di september 2024, Prome Minister di Aruba, Evelyn Wever-Croes, a presenta e retiro di e ministernan di su gabinete na Gobernador di Aruba, S.E. Alfonso Boekhoudt.
Gobernador a informa Prome Minister cu e ta considerando e peticion di retiro pa e ministernan di Gabinete Wever-Croes y e Minister Plenipotenciario di Aruba. Tambe Gobernador a haci un peticion na Prome Minister y su gabinete pa sigui percura pa loke ta considera necesario na bienestar di pais Aruba y pa sigui coopera cune te ora cu un decision a cay riba e peticion di ontslag.