Pelicula den aire liber durante vakantie grandi
ORANJESTAD - Biblioteca Nacional Aruba ta invita tur mucha bin wak pelicula den aire liber.
Lo tin presentacion cuater (4) siman tras di otro. E prome presentacion di pelicula ta cuminsa diahuebsa awo, dia 17 di juli y biblioteca ta presenta e película di animacion ‘Moana 2’. E siman despues ‘The wild robot’, e di tres siman ‘Dogman’ y por ultimo ‘Minecraft movie’. Tur presentacion ta cuminsa 7’or.
San Nicolas:
Biblioteca ta presenta 2 pelicula na biblioteca na San Nicolas pa tur mucha di San Nicolas y bisindario. Presentacionnan ta diaranson dia 23 di juli y diaranson dia 6 di augustus.
Oranjestad:
Presentacion na Playa ta 4 diahuebs anochi. Lugar: patras di biblioteca. Prome presentacion ta diahuebs dia 17 di juli, 24 di juli, 31 di juli y e ultimo presentacion ta diahuebs dia 7 di augustus 2025.
Tur mucha y nan mayor ta bon bini. Tur presentacion ta gratis y ta cuminsa 7or. Pues, por bay biblioteca cu tur amigo, ruman y bisiña.