Open Dag di SVb dia 6 di september na San Nicolas
ORANJESTAD – Banco di Seguro Social (SVb Aruba) ta invita tur habitante di Aruba pa su open dag diasabra 6 di september na oficina di SVb na San Nicolas. Porta ta habri di 9:00 AM pa 11:00 AM.
Diasabra ultimo, SVb a celebra e di 65 aniversario di Algemene Ouderdomsverzekering (AOV), cu un open dag na su oficina na Vondellaan na Oranjestad.
Bishitantenan a ricibi informacion amplio tocante pensioen, entre otro e procedura di aplicacion, con pa uza e app di MiPensioen, e calculado di pensioen, y con pa pidi un number di AOV. Tambe nan por a haya un manual pa uza e kiosco di SVb y laga controla nan presion, sucu, y nivel di colesterol gratis.
Pa tur persona cu a perde e prome encuentro aki, SVb ta brinda un otro oportunidad pa conoce nan servicionan y productonan na San Nicolas diasabra venidero, dia 6 di september.