Oficina di Registro Civil Sint Maarten di bishita na Oficina di Registro Civil y Censo Aruba
ORANJESTAD – Oficina di Registro Civil y Censo Aruba a ricibi bishita di henter e team di Registro Civil y Censo/Burgerzaken di Sint Maarten.
Durante e bishita, e team a haya un recorido di e edificio y un splicacion detaya di nan departamentonan, nan procesonan di trabou, ekipo y personal.
E decision pa bishita e oficina di Aruba a sali for di e desaroyonan impresionante cu el a conoce e ultimo añanan. E delegacion di Sint Maarten a combina e biahe di trabou aki no solamente pa amplia conocemento, y haya un bista nobo, pero tambe como un oportunidad pa nan team building.
Oficina di Registro Civil y Censo ta aprecia e compliment aki y a yama e team un bon bini na nos dushi isla Aruba.
