Ministerio di Husticia ta na Sint Maarten pa atende reunionnan di JVO.
ORANJESTAD – Riba 14 di januari 2026 un delegacion di Aruba, cu ta consisti di ehecutivonan y expertonan di Ministerio di Husticia, acompaña pa Minister Arthur Dowers, a atende e reunion di Justitieel Vierpartijenoverleg (JVO) 2026, cu ta tuma luga na Sint Maarten.
JVO ta un plataforma importante di cooperacion entre e Ministerionan di Husticia di Hulanda, Aruba, Sint Maarten y Corsou cu ta tuma luga dos biaha pa aña.
JVO ta tuma luga riba 14, 15 y 16 di januari, y enfoca riba temanan manera:
- Detencion & Capacidad: Atende cu e scarsedad di prison y reforma di sistemanan di detencion.
- Criminalidad Hubenil: Di castigo pa prevencion, conectando educacion, cuido y sosten social.
- Arma di candela ilegal: fortalece inteligencia conhunto y Ministerio Publico.
- Entrenamento di fiscalnan: Extendiendo e programa di entrenamentu eksitoso pa talento local.
- Ondermijning (Mina): Discusion mas aleu di e fenomeno.
Den e prome sesion di e reunionnan aki, e partnernan den Reino ta bin hunto riba nivel di top ambtenaar pa discuti, alinea y desaroya protocolnan comun den preparacion pa e reunion ministerial cu ta convoca den crea maneho strategico riba diferente tema di husticia, cu e meta pa fortifica cooperacion, eficiencia y confiansa mutuo.
Durante e prome sesion di JVO 2026, e delegacionnan a intercambia experencia, comparti prioridadnan actual y enfoca riba e desafio comparti riba tereno di husticia.
E bishita na Sint Maarten ta confirma e compromiso continuo di Aruba pa traha hunto cu e partnernan den Reino, cu un enfoke riba un sistema di husticia solido, moderno y sostenibel pa tur pais involucra.