Ministerio di Asunto Economico ta forma parti di e Proyecto Ostad 200 Incubator
ORANJESTAD - Na augustus 2024, Aruba ta celebra e 200 aniversario di nos capital Oranjestad pa cual Ministerio di Asunto Economico, hunto cu ImpactHub, ta organisa e proyecto di Ostad 200 Incubator cu lo forma parti di e celebracion nacional.
E meta di e incubator ta pa duna un empuhe na dos grupo di comerciante: "startups" (compania nobo) y "scale-ups" (companianan existente cu kier hiba nan operacion na un escala mas grandi). E enfoke di Ministerio di Asunto Economico ta pa dedica esfuerso y recurso pa stimula entrepreneurship na Aruba, especialmente riba e desaroyo di empresanan chikito y mediano, cual ta forma e parti mas grandi di nos economia.
Participacion ta habri riba www.ostad200.com y lo tin premionan grandi pa e ganadonan di e "pitch competition".
E obhetivo ta pa e Ostad 200 Incubator inspira empresarionan local y saca e miho di e comunidad empresarial. Ostad 200 Incubator ta un vision y esfuerso di ImpactHub, Camara di Comercio, Universidad di Aruba, Setar y WEB Aruba.