Mercado di buki na Biblioteca Nacional te cu 6 di november
ORANJESTAD — Biblioteca Nacional Aruba (BNA) cordialmente ta invita un y tur cu ta stima lesamento y buki na e mercado di buki, cu ta tuma luga te cu diabierna awor 6 di november.
E mercado di buki ta habri tur dia di 8:30 AM pa 4:30 PM.
Tin un seleccion amplio di buki di segunda mano: for di storianan maraviyoso te na bukinan informativo, tanto pa adulto como pa mucha. Bishitantenan por busca trankilamente pa e bukinan perfecto — pa solamente 1 florin cada un. Pasa cu famia y amigonan, relaha, y yena bo tas ku bukinan bunita. Tin algo tur gusto y interes!