Keda sin paga boet = ayo vakantie
ORANJESTAD - Grenspolitie na aeropuerto lo sigui para biaheronan cu debe di boet.
Tambe durante e periodo di vakantie cu ta drentando!
Personanan cu debe di boet ta core riesgo cu Grenspolitie ta para nan y di lo no por continua cu nan biahe te cu nan cumpli cu nan boet.
Den algun caso esaki por haci hasta cu hende ta perde avion.
Si resulta cu un persona no por of no kier paga nan boet, CEA lo traslad’e pa KIA pa e sinta su dianan di detencion.
Tanto pa hende homber como hende muher tin cel disponibel den KIA.
P’esey Ministerio Publico ta haci un yamado urgente na viaheronan cu debe di boet pa paga esaki mas lihe posibel pa asina evita di topa cu sorpresa desagradabel na aerpuerto.
Bo persona por paga online via ArubaBank riba cuenta bancario 4000905, bao mencion di bo parketnummer.
Tambe por paga na caha di Ministerio Publico na Rumbastraat 29 cu bancomatico of cash.
Bo tin pregunta tocante bo boet? Manda un email sin compromiso na info@omaruba.aw of haci uzo di e formulario di contacto riba www.omaruba.com.
