Invitacion Expo Promove Salud & Bienestar 2025 – Festival di Salud
ORANEJSTAD - Ministerio di Salud Publico, Asunto Social, Cuido di Adulto Mayor y Maneho di Adiccion ta invita pueblo pa asisti na di 4 edicion di EXPO Promove Salud & Bienestar 2025, organisa pa Directie Volksgezondheid (DVG).
E edicion di aña aki lo tuma lugar den aire liber cu un Festival di Cuminda y Bebida Saludabel, caminda comunidad por descubri opcionnan mas saludabel y accesibel. Ademas, lo tin standnan di salud cu ta ofrece diferente tipo di informacion y servicio.
Fecha Diasabra, 27 di September 2025
Orario: 4:00 – 9:00 PM
Luga: Caya Ing. R. Lacle 4, Oranjestad (caya dilanti edificio di DVG)
Entrada: Gratis
Salud ta depende riba e manera con nos ta cuida nos mes diariamente. Promocion di cuminda y bebida saludabel no ta solamente un preferencia, sino un paso necesario pa preveni malesa cronico y pa fortalece bienestar di nos comunidad.
Ministerio ta invita pueblo pa asisti e evento, pa asina haya inspiracion pa sigui un estilo di bida mas saludabel y sostenibel. Un comunidad saludabel ta un Aruba fuerte.
